LEITZA-IREBER-ARRARATS 2017-04-09

Gaupasa egindako gazteen txaloen artean abiatu gara Leitzatik. Ttipi ttapa maldan gora Aritzera iritsi gara lehenik eta Zuparrobira jarraian haize-erroten tartetik. Hamaiketakoaren ondoren, Ireberreko harrizko gandorrean kukurrukua jo dugu. Ernaitzuko larre zabalak Piriniotako elurrak ikusteko aukera eman digute. Begañako pagaditik pasa ondoren Arraratsera iritsi gara. Giro ederrean, zentzu guztietan, Orokietan bazkaldu eta Tolosara itzuli gara. Plazerra izan da!

****************************************************************************************

Nafarroako lurraldean, Leitzako haize errotatik barrena, Ireberko (1.208 m) eta Ernaitzuko (1.203 m) gainak igoaz, Otsolako paraje polittetik pasako gara eta ondoren,  Arrarats (Basaburua)  herrixkan bukatuko dugu ibilaldia.

Nafarroa iparraldean dagoen udalerri txiki eta euskalduna da Basaburua. Hamahiru herri eta etxaldek osatzen dute Basaburua: Aizarotz, Arrarats, Beramendi, Beruete, Erbiti, Gartzarun, Igoa, Ihaben, Itsaso, Jauntsarats, Ola, Orokieta eta Udabe.

Mendiaz gozatzeko eta Ireber gainetik Pirineoen bista zoragarriaz gozatzeko aukera bikaina .

Irteeraren bideoa :

https://www.youtube.com/watch?v=kjrQrwzWZFA

BI AUKERA :

Motza :

Leitza - Ireber- Arrarats 

Luzera : 15 km.

Igoera guztria : 1.069 m

Jetsiera guztira : 868 m.

Iraupena : 5,00 ordu.

Luzea :

Leitza-Zuperrobi-Ireber-Ernaitzu-Begaña- Arrarats

Luzera : 20 km.

Igoera guztira : 1.365 m.

Jetsiera guztira : 1.161 m.

Iraupena 6,00 ordu. 

Irteera : Goizeko 8,00 tan San Franziskotik.

Bazkideak : 13 euro

Ez bazkideak : 15 euro.

Informazio gehiago eta izena emateko 3 aukera : gure web orrian alpinouzturre.eus  , info@alpinouzturre.eus emailera oharra bidaliz edo 943652789 telefonora deituz.