DORRAO - TREKU - ULTZURRUN 2019-03-24

33 mendizale izan gara Dorrao-Treku-Ultzurrun ibiladian, pareje ederrak eta eguraldi paregabea lagun. Hasierako igoera leunaren ondoren Elordia, Arrasaundi eta Treku edo Bordas Viejas tontorrak igo ditugu eta handik aurrera pixkanaka jaitsiera hasi dugu, Ollaran bailara aparta aurrean genuela. Bidean Txargain tontorra ere pasa dugu eta Artetara jaitsi gara. Derrigorrezkoa ez izan arren, talde osoak Artetako gatzagak eta iturburua bisitatzeko aukera aprobetxatu du, ondoren Ultzurrunen bukatuz txangoa. Afizioa egiteko moduko irteera!

***************************************************************************************************

Andimendi  Nafarroako ipar-mendebaldeko mendilerro bat da, Sakanako eskualdearen hegoaldean eta Goñibar eta Ollaran ibarren iparraldean dagoena, eta nolabaiteko jarraipena du Urbasa mendilerroan. Izan ere, bi mendilerroon artean eratutako mendigunea babesten du Urbasa-Andia natura parkeak.

Halaber, Andimendin dugu Euskal Herriko Erdigunea, 2004an matematikoki ezarria.

 Bordas Viejas gaina berez bizkar belartsu bat besterik ez da, non harria noizbehinka azaltzen baita. Nolanahi ere, bere kokapena da mendi honi benetako xarma ematen diona, talaia paregabea baita inguruko ibar, larre eta mendien gainetik.

Ibilaldiaren  bukaeran  Artetako iturburua eta gatzagak ikusiko ditugu.

Irteeraren bideoa :

https://www.youtube.com/watch?v=9iIVQBeCBds

BI AUKERA : 

Motza :     16 Km.     799 m.              924 m.         5,00

Luzea :   21 Km.          976 m.            924 m.        6,00

Irteera : goizeko 07:30ean San Franziskotik

Bazkideak : 13 euro

Ez bazkideak : 15 euro.

Informazio gehiago, izena emateko edo beharrezko edozein argibide eskuratzeko, jarri gurekin harremanetan, gure web orrian alpinouzturre.eus , info@alpinouzturre.eus  emailera oharra bidaliz edo 943652789 telefonora deituz.