AIZARNA - AIA 2022-02-13

Goizeko irteera polita burutu dute Alpino Uzturreko mendizaleek Aizarnatik Aiara. Eguraldia lagun izan dute, Pagoetako gailurrean haize zakar xamarra izan badute ere. Ibilaldia aldapa behera hasi dute, Altzolaras errekara jaitsi behar izan baitute, izen bereko bailara ezkutuan. Erreka hori gero Granada errekarekin elkartzen da eta Urola ibaira isurtzen ditu bere urak. Santa Engrazia ermita ezaguna ez dago urruti. Urdaneta auzora igo eta handik eguneko gailurrera jo dute, Pagoetako gurutzea. Haizetik babesteko, ondoko aterpean hamaiketakoa egin eta Aiako herriraino egin dute txangoaren azken zatia.

**************************************************************************************************************************************

Mendi txango hau goizekoa izango da.

Aizarna Gipuzkoako herri zaharrenetakoa da, 1.383. urtean fundatu baitzen.

Pagoetako parke naturalak mendikate bat osatzen du, aldi berean Ernioko mendikate barnean dagoena. 

Gurutze ezagun bat dago Pagoetako tontorrean, aiarrek eta zarauztarrek 1.935ean jasotakoa.

Aia herria Urola-Kosta eskualdean dago kokatuta. 1.563an fundatu zen, eta 2.000 biztanle ditu.

Irteeraren bideoa : 

https://www.youtube.com/watch?v=0e5BIhtOahA