ANTOÑANA - ARBURU - MAEZTU 2024-06-16

Leizezuloak, ur jauziak eta errota ikusi ahal izan dute Alpinoko 30 mendizaleek Arabako Mendialdean egindako txangoan. Autobusa Maestuko sarrerako zubian ezin pasa gelditu ondoren, ibilaldiaren norabidea aldatu behar izan dute. Maestutik abiatu eta lehen igoeraren ondoren Obi, Zabalegi, eta Peña las Cinco tontorretatik bista ederrak izan dituzte, leizezuloak ikusi eta kanpaiak jotzeko aukerarekin. Ondorengo mendi multzoan Santa Ageda, Arburu eta Mendibibila tontorretan izan dira. Jaitsieran Aguaque eta Sabandoko ur jauziak eta Oteoko errota ikus ahal izan dute. Antoñanara iritsi eta Maestura itzuli dira autobusez, bertako igerilekuan bazkaltzeko. Eguraldi eta paisaje paregabeak izan dituzte egun osoan zehar.

************************************************************************************************************************************

Alpino Uzturrek Antoñana eta Maezturen arteko mendi irteera bat antolatu du ekainaren 16rako.

"Arabako Mendialdea" dehitutako eremuan izango da.

Antoñana Gasteiztik 30 minutura dagoen 140 biztanle inguruko herri bat da, Izki parke naturalaren mugan. 

Eta Maeztu (700 biztanle inguru), Bernedorekin batera, Arabako Mendialdeko eskualdeko handiena da. 

Altuera irabazi eta gero, mendiz mendi joango gara. Zerrenda luzea da: Mendibibila (1043 m), Arburu (1048 m), Santa Ageda (1041 m), Peña Lascinco (907 m), Zabalegi (865 m) eta Peñas de Obi (854 m).

Erraza egiteko eta oso atsegina: urjauziak, errotak, kobazuloak, ...

Bideoa ikusteko egin klik hemen:

Antoñana - Maeztu ( Mendi irteera 2024/06/16 - 5 ordu ) (youtube.com)

15,6 km.        706 m.       635 m.        05:00

Irteera: 08:00etan San Frantziskotik.

Autobusa: bazkideek 13 euro, eta ez bazkideek 15 euro.

Informazio gehiago eta izena emateko: alpinouzturre.eus gure webgunean, info@alpinouzturre.eus emailera oharra bidaliz edota 747456014 telefonora deituz.