ARRATILLE (PANTICOSA) - 2023 IRAILA 02-03

Bramatueroko gailurrik garaiena da eta inguruko gailur garrantzitsuenetatik urrunetariko bat, gutxitan igotzen den gaina izanik. Mendi honetan jende asko ibiltzen ez denez, bidea ez da oso nabarmena, nahiz eta ondo orientatuz gero igotzeko bidea zaila ez izan. 

Bachimaña aterpe berriak (2.117 m.) Panticosako balneariotik hasten den bide luzea zerbait leundu du, baina hala ere hiru enbalseren eta ibon baten ondotik igaro beharko dugu. 

Irailak 02 (larunbata):

Goizeko 09:30ean Alpino Uzturre elkartean elkartuko gara.

Mendi txangoa Baños de Panticosan (1.630 m.) hasiko da. Arnales ibonera (2.292 m.) igoko gara, eta jarraian Ibones de Bachimaña (2.189 m.) aterpera iristeko. Bertan hartuko dugu ostatu pentsio erdian. 

5,3 km.        720 m.         160 m.      

Irailak 03 (igandea):

Aterpetik Arratille (2.898 m.) mendiruntz joko dugu. Bachimaña Alto (2.207 m.) enbaltsetik, Bramatuero Bajo (2.301 m.) enbaltsetik, Bramatuero Alto (2.522 m.) enbaltsetik eta Letrero ibonetik (2.546 m.) igaroko gara.

Azken aldapa igotzeko hiru aukera daude. Pareta errez batetik (I) egingo dugu. Harriak erortzeko arriskua dagoenez, kontu handiz ibiliko beharko da. Goiko koxka (I) trepatzeko eskuak erabili beharko ditugu gailurra zapaltzeko eta bertan ikuspegiaz gozatzeko.

Jeitsiera bide berdinatik egingo dugu.

Ikus ezazu bideoa:

https://youtu.be/k7Lp9UYVRmU

Federatuta egotea derrigorrezkoa izango da. 

Prezioa: 44 euro (pentsio erdia aterpean barne).

Hasiera batean, bidaia kotxez egingo dugu.

12 lagunetzako tokia mugatuta.