Jarduerak - BENASQUE - 2018 ABUZTUAK 20-25

Eguraldia lagun, aste ederra pasatu dugu Benasque inguruan abuztuko irteerara joandako hamahiru lagunek. Aneto inguruko mendi desberdinetara igotzeko aukera izan dugu, Pirinioetako mendi altuena egunero puntu desberdinetatik ikusiz.

Astelehenean bidaia egin ondoren, Benasqueko Goi Mendiko Eskolan hartu genuen ostatu. Aterpe ederra benetan.

Asteartean lehen hiru milako mendia egin genuen, Aragüells, Coronas aterpetik abiatuta, igotzeko mendi erraza.

Asteazkenean Benasqueko Hospitaletik Hospice de France aterperaino joan ginen, muga Picada mendatean pasatuz. Ibilaldi leuna eta ez oso luzea izan zen. Aterpe dotorean pasatu genuen gaua.

Ostegunean itzulerako ibilaldia egin genuen, baina Venasque aterpetik eta portutik pasatuz muga eta Tuca de Salvaguardia mendia igoz taldeko guztiok. Pirinioetako erdigunea da, Kantauri eta Mediterrano itsasoetatik distantzia berera dagoena, eta Aneto-Maladeta mendiguneko ikuspegi ederrenetakoa dituena.

Ostiralean Batisielleses laku ederretara igo ginen Estoseko aparkalekutik abiatuta eta handik batzuk Tuca des Corvets mendira joan ginen. Asteko ibilaldi luzeena izan zen, azken zatian harkaitz ugarietan eskuak jarri behar izanez. Taldeko beste batzuk Batisielles, Perramo eta Escarpina ibonetatik jarraitu zuten.

Eta larunbatean taldeko batzuk etxera itzuli ziren eta beste batzuk Tempestades mendira joateko aprobetxatu zuten, Coronas aterpetik abiatuta. Hemen ere eskuak jarri behar izan genituen azken zatian, baina bezperan baino modu errazagoan ibili ginen.

Nahiz eta egunero ekaitza iragarrita egon arratsalderako, zorte handia izan dugu eta izandako euri tanta bakarrak Benasqueko Hospital apartan geundela erori ziren.

*****************************************************************************************

Abuztuaren 20 -25ean, irteera Benasquera izango da.

Abuztuak 20: kotxez joango gara Tolosatik Benasquera, Iurre auzoan (Maxi Eroskiko aparkalekuan) 10:00etan.
Benasqueko goi mendi eskolan hartuko dugu ostatu.

Abuztuak 21: Aragüells mendia (3.048 m.) igoko dugu.

Loa Benasqueko goi mendi eskolan.

10,20 km. 1.110 m. 1.110 m.

Abuztuak 22: Hospital de Benasque - Pas de La Escaleta - Hospice de France.

12,60 km. 788 m. 1.127 m.

5,30

Abuztuak 23: Hospice de France - puerto de Benasqe -Salvaguardia 2.736 m - Hospital de Benasque.

Loa Benasqueko goi mendi eskolan.

11,20 km. 1.379 m. 1.114 m.

Abuztuak 24: Bi aukera :

a) Batisielles, Perramo eta Escarpina ibonak

17,70 km. 1.475 m. 1.489 m.

b) Corbets 2.901 m.

21,70 km. 1.858 m. 1.872 m.

Abuztuak 25: Pico Tempestades 3.290 m

12,80 km. 1.327 m. 1.327 m.

Tolosara itzuli.

Prezioa: 172 euro.

Prezioaren barne: lehenengo lau gauetako pentsio erdia, eta azken gaueko loa ta gosaria.

Prezioan ez da sartzen: kotxez egindako bidaia, azken gaueko afaria, eta prezioaren barne zehazten ez den beste edozer.

Informazio gehiago jasotzeko eta izena emateko, info@alpinouzturre.eus emaila bidaliz edo 943652789 telefonora deituz.

Irteera data:	2018-08-20
Bukaera data:	2018-08-25
Herria:	BENASQUE

Inskribatzeko azken eguna IGARO da, baina jarduerari buruz edozein kontsulta egin dezakezu ondorengo formularioa beteaz.
2018-08-14

BENASQUE - 2018 ABUZTUAK 20-25

Ba al zenekien ALOKAIRU gisa mendiko material ugari dugula?