CARLIT 50 ESTANYS - 2017 ABUZTUAK 21 - 27

Asteartea 22

Iritsi da eguna. Goizean goiz La Bullosa lakutik (2.000 m.) abiatu gara isilean. Poliki poliko igoz Peric lepakira iritsi gara. Ezker eskuin bi tontor zain: Puig Peric (2.810) eta Petit Peric (2.690). Ikuspegi zoragarria begien aurrean, mendiak eta lakuak nahi adina. Maldan behera, Camporells izeneko laku eta errefugioa. Lakuko ur hotzetan preskatzeko aukera bikaina.

Asteazkena 23

Goizeko 7,30tan abiatu gara Camporellsetik eta lakuak zeharkatuz igo gara suabe suabe Puig de Terrers ingurura (2.540). Lehen sarrioak bidean. Lepotik beheruntz, Passade de Mortés zeharkatuz Beyseko aterpea eta lakua topatu ditugu. Eta nola ez, berriro bainu ederra aterpe ondoko laku txikian.

Osteguna 24

Gaueko euri eta haize hotsez kezkaturik ekin diogu Beysen gosaltzeari. Sarrio batzuk ere aurreko maldan gosaldu dute. Bi taldetan banaturik inguruko tontor gehienak igo ditugu. 7 orduren bueltan Besines refugioko dutxak eta afaria eskertzen ditugu.

Ostirala 25

Aldapan gora ekin diogu gozo gozo larrean ari diren behi eta zezenen artean, Portela de Lanos leporaino. Handik Besineilles (2.632) eta Puig de la Grava (2.671). Beheruntz bide lasaia eta atsegina Bullosako lakuraino. Bi orein eme azaldu zaizkigu pinu artetik agur egitera. Gu baino arinako zihoazen.

Larunbata 26

Ibilaldiko azken egunean, Carlit mendi ezaguna igotzea helburu, goizean garaiz, 7,30tan abiatu gara.

Laku dotore artean azkeneko malda gogorrera iritsi gara. Ahuntzak bezala, harri artean ekin diogu Carliteko tontorreraino (2.921). Benetan ederra taldeko kide guztiak (21) tontorrean bizitako unea eta argazkia. Gustoko lekuan aldaparik ez.

Eguraldia lagun, giro jatorrean, une gogoangarriak bizitu ditugu 5 egunetan zehar. Pozik etorri ginen eta pozik itzuli gara etxera. Merezi izan du ahaleginak. Esker onekoa izan da ibilaldia.

***********************************************************************************************

Ibilibide honetan Piriniotako zati bat ezagutuko dugu : Okzitania eta Katalunia artekoa.