Jarduerak - GRAND BARBAT (2.814 M.) - 2022 UZTAILA 16-17

Asteburu ederraz gozatu dute Alpino Uzturreko 13 mendizaleek Frantziako Pirinioetan, Estaing eta Cauterets bailara paregabeak bisitatuz. Larunbatean desnibel gogorrak izan zituzten, bai ibilbide motza (Estaing lakua-Ilheou aterpea) aukeratu zutenek, are gehiago Gran Barbat gailurra zapaltzea erabaki zutenek. Bidai luzeak eta tenperatura altuak (tarteka haizea egin bazuen ere) ez zuten lagundu etapa arintzen. Hori bai, etaparen amaierako bainua Ilheou lakuan sendagarria izan zen mendizale nekatuentzat.

Iganderako etapa luzeagoa baina leunagoa zen aurreikusita Ilehou aterpetik Pont d"Espagnera berritze lanetan dagoen Wallon-Marcadau aterpetik pasatuz eta hala izan zen. Beroa ere bidelagun izan zuten ibiltariek, batez ere azkeneko zatian, baina Pourtet lakuan, Wallon eta Pont d"Espagneko erreketan frexkatzeko aukera ez zuten galdu, txangoa eramangarriagoa eginez.

**************************************************************************************************************

Mendi irteera uztailaren 16 - 17an izango da, Frantzia aldeko pirineotara.

Grand Barbat (2.814 m.) mendia igo ahal izango da, eta Estaing eta Cauterets bailarak banatzen dituen mendilerroko gailurrik esanguratsuena da.

Ostatua Ilheou aterpean (1.988 m.) hartuko dugu, eta erreserba 13 lagunentzako mugatuta dago. Aterpeak dutxa bakarra dauka.

Uztailak 16 (larunbata):

Autobusa 06:30ean aterako da San Frantziskotik.

Mendi txangoa Estaing lakuan (1.168 m.) hasiko da, eta Ilheou aterpean (1.988 m.) amaitu. GR-10aren markekin seinalizatuta dago. Distantzia: 10 kilometro.

10 km. 1086 m. 315 m. 4 ordu

Grand Barbat (2.814 m.) mendia igo ahal izango da (aukerakoa da, ez da derrigorrezkoa). Aukera honen iraupena 7 ordu t´erdikoa da.

13 km. 1856 m. 1100 m. 07 ordu t´erdi

Uztailak 17 (igandea):

Mendi txangoa Ilheou aterpean hasiko da, eta Embarrat lakutik, Nere lakutik eta Wallon Marcadau aterpetik igaro eta gero, Pont d´Espagnen (Cauterets) amaituko da.

18,5 km. 755 m. 1262 m. 06 ordu t´erdi

Prezioa: 60 euro (autobusez bidaia eta pentsio erdia aterpean barne).

13 lagunetzako tokia mugatuta.

Izena emateko azken eguna: uztailaren 12a.

Informazio gehiago eta izena emateko 3 aukera: gure web orrian alpinouzturre.eus , info@alpinouzturre.eus emailera oharra bidaliz edota 943652789 telefonora deituz.

Irteera data:	2022-07-16
Bukaera data:	2022-07-17
Ordutegia:	Irteera 06:30ean San Frantziskotik
Herria:	CAUTERETS
Iraupena:	7 ordu

Inskribatzeko azken eguna IGARO da, baina jarduerari buruz edozein kontsulta egin dezakezu ondorengo formularioa beteaz.
2022-07-12

GRAND BARBAT (2.814 M.) - 2022 UZTAILA 16-17

Ba al zenekien ALOKAIRU gisa mendiko material ugari dugula?