Jarduerak - ITZIAR - ANDUTZ - OTAERRE - LASTUR 2025-12-14

Beti bezala, mendian ibiltzen eta ondoren babarrunak jaten amaitu dute urtea Alpino Uzturreko mendizaleek.

Ibilaldia Gipuzkoako kostaldetik gertu burutu dute, Itziarretik abiatu eta Lasturren bukatuta, eguraldia lagun izan dutela.

Elurtzulo bat ikusteko aukera izan dute Andutz lehen mendiaren igoeran. Tontorretik bista ederrak izan dituzte. Jaitsiera pikoa izan da Lasturreraino, bertako errota martxan ikusteko aukera izanik. Frontoian zerbait pikatu eta berriro gora, Otaerre bigarren gailurrera. Beste begiraleku aparta izan dute bertan.

Lasturrera itzulita, autobusez etorritako mendizale beteranoekin elkartuta, bertako jatetxean ohiko babarrun jatean bildu dira 36 lagun.

Urte berri on!

**************************************************************************************************************************************

2025eko azken mendi txangoan Andutz mendia (613 m.) igoko dugu, Izarraitz mendikate handiaren barnean sartzen dena.

Txangoa Itziarren hasiko dugu.

ikus ezazu bideoa hemen:

(9) Itziar - Lastur ( mendi irteera eta babarrun bazkaria 2025/12/14 ) - YouTube

Ondoren, 14:15ean, babarrun bazkaria, Lasturko jatetxean ospatuko dugu.

Menua: babarrunak sakramentuekin, txahal sahieskia, postrea eta kafea.

Irteera: 07:30ean San Frantziskotik.

Autobusa: bazkideak 42 euro, eta ez bazkideak 45 euro.

Oharra: Bazkarira soilik doazenentzat, autobusa San Frantziskotik 11:45ean aterako da.

Informazio gehiago eta izena emateko: alpinouzturre.eus gure webgunean, info@alpinouzturre.eus emailera oharra bidaliz edota 747456014 telefonora deituz.

Irteera data:	2025-12-14
Bukaera data:	2025-12-14
Ordutegia:	Goizeko 07:30ean San Frantziskotik
Herria:	DEBA
Iraupena:	4 ordu

Inskribatzeko azken eguna IGARO da, baina jarduerari buruz edozein kontsulta egin dezakezu ondorengo formularioa beteaz.
2025-12-11

ITZIAR - ANDUTZ - OTAERRE - LASTUR 2025-12-14

Ba al zenekien ALOKAIRU gisa mendiko material ugari dugula?