KONTRASTA - ILARRATZA - ERROITEGI 2025-04-13

26 mendizale animatu dira ibilaldira, nahiz eta eguraldia oso aldekoa ez izan. Euri handirik egin ez badu ere, lainoa, langarra eta giro umela izan dute bidelagun Iturrietako mendietan barna, ikuspegi ederrez gozatu ahal izan gabe. Santa Teodosia ermitan aterpea eta eliza ireki diete bertako kofradeek hamaiketakoa babesean egin ahal izateko. Erroitegira iritsi, aldatu eta Maestura joan dira autobusez, bertako tabernetako terrazetan bazkalduz, eguraldia atertuta, eta goiz itzuli dira Tolosara.

*****************************************************************************************************************************

Arabako Iturrietako mendietatik zehar izango da Kontrasta - Erroitegi ibilaldia, Ilarratza eta Abitigarra izanik tontor nagusienak. 

Kontrasta herritik abiatuta San Kristobal-Ilarratzara (1.142 m.) igoko gara antena bat pasatuz. Gero, gainez gain, pagadi artean, Kapitate, Sombrerete, Kortagaina eta Txandi tontor txikiak igaro eta Santa Teodosia ermitara jeitsiko gara. Atseden hartzeko eta zerbait pikatzeko une egokia izan daiteke. Igoera suabe baten ondoren, berehala Iturzurieta, Ubenkun, Abitigarra (1.165 m.), Peñagrande eta Leizeaundi tontorrak aurkituko ditugu. Handik, jeitsiera lasaia da Erroitegiraino.

14 km.       04:30 - 05:00

Ikus ezazu bideoa:

https://youtu.be/k9ma9w0GngE?feature=shared

Irteera: 07:30ean San Frantziskotik.

Autobusa: bazkideek 15 euro, eta ez bazkideek 18 euro.

               sub30 urte bazkideek: 8 euro.

               sub30 urte ez bazkideek: 9 euro.

Informazio gehiago eta izena emateko: alpinouzturre.eus gure webgunean, info@alpinouzturre.eus emailera oharra bidaliz edota 747456014 telefonora deituz.