Passaran -2015 abuztuak 17-21

Irteera Aran bailarara , 2015ko abuztuan 17-21 , Alpino Uzturrek antolatuta.

Irteera  Abuztuak  17  goizeko    5,30 tan  Tolosatik , Eylie aterpera , kotxez ( 353 Km )

Abuztuak  17 : Eylie - Maison du Valier .
8,30 ordu ,19 km Desnibela  +1.643 m- 1.820 m

Bi taldetan egin dugu bidea. Bizkorrenak 7 ordutan iritsi ziren aterpera. Lasaiago joandakoak 8,5 ordu.  Ibilbidea polita izan da, mina zaharrak ikusiz. Basoetan zehar onttoak ikusi eta bilduz, ibilbidea ariñagoa egin zaigu. Ondo hasi gara.

Abuztuak  18 : Maison du Valier  -  Estagnous
(Mont Valier 2.838 m. ) 6,50 ordu , 11,40 km  Desnibela  +1.731 m  ,  -   468 m

Goizean gosaldu eta irten aurretik euri langarra lagun. Halere aurrera. Lehen pagadian, kattagorria eta onttoak berriro. Gero laino itxiak ez digu ezer asorik ikusten utzi. Hori bai, "mastin" bat izan dugu albotik zehar begira. 7 orduz ibili ondoren iritsi gara aterpera. Goxo hartu dugu piztuta zegoen beheko sua.

Abuztuak  19 : Estagnous  -  Montgarri
(Barlonguera  2.802 m. ) 6,30  ordu  , 12,30 km  Desnibela + 701 m  ,  - 1.333 m

Goizean goizetik eguraldi ederra. Mendi ikusgarriak eta laino itsaso zabala gure oinen azpian. Laku arteko ibilbidea zoragarria da. Ausartenak inguruko tonttorrak igotzeko aukera izan dugu. Taldeko kide batzuk 7 orduren bueltan iritsi dira. Besteak (ausartenak) 8 ordu pasatxo behar izan ditugu.

Abuztuak  20: Montgarri    -  Araing ( Mauberme 2.880 m. )
8,30 ordu , 19,8  km Desnibela  + 1.258 m,   -   1.049 m

Montgarriko aterpean gosaldu ondoren berriro mendira, ahuntzak bezala. Eguraldia bezain bikaina ibilbidea ere. Taldearen erdia (10lagun) Mauberne mendira igo da. Beste erdiak ariñago jarraitu du sarrio artean. 8,5 ordutan iritsi gara aterpera. Tontorra egindakoak 9 ordu pasatxo pasata. Denok gustura

Abuztuak  21 : Araing    -  Eylie ( Crabera 2.630 m. )
3,20 ordu , 8 km   Desnibela  + 326 m ,  -  1.294 m

Goizean garaiz jaiki eta eguraldi bikaina ikusirik, Crabera mendi tontorrera jo dugu gehienok. Bidean ikusi ditugun sarrioak gu baino azkarrago dabiltza. Tontorretik jeitsi, motxilak hartu bizkarrean eta 10,00 tan  azken etapari ekin diogu. Ordubiak aldera iritsi gara Eylira, bidean aintzinako mina ugari ikusita. Errekan preskatu eta bazkaltzera, etxera itzuli aurretik.

Ondoren  kotxez  Tolosara bueltatuko gera  20,00tako ailegatuz.

Etxera bidean ondorio bat: ederra izan da, plazerra!!